Абай университеті ERASMUS+ бағдарламасының KAZDUAL жобасы аясында бірқатар тренингтер өткізді.
2022 жылдың 14, 15, 16 қыркүйегінде оқытушыларға, докторанттарға, магистранттарға, студенттерге және жұмыс беруші серіктестерге арналған «Дуальды оқытуды енгізу» сериясы бойынша тренингтер өткізілді. KazDual жобасы аясындағы Абай университетінің жобалық тобы – «Қазақстанда дуальдық жүйені енгізу» (жоба нөмірі: EU 618835-EPP-1-2020-1-KZ-EPPKA2-CBHE-SP, іске асыру мерзімі: 15.01.2021 ж. -14.01.2024 ж.) Эразмус+ бағдарламасы бойынша әртүрлі форматтағы тренингтер ұйымдастырылды.
Осы жылдың 14 қыркүйегінде жоба қатысушыларының дуальді оқытудың пилоттық тобы – «6V01303-АКТ көмегімен бастауыш білім беру» ББ 1 курс студенттерімен кездесуі өтті. Студенттер дуальды оқытудың қағидаларымен танысып, үшжақты келісімді талқылап, кіріспе сыннан өтті. Педагогика және психология институтының директоры Абаева Ғалия дуальды оқыту ережелері туралы айтты. Бастауыш білім беру кафедрасының меңгерушісі профессор Жұмабаева Азия – 2022-2023 оқу жылындағы мектеппен жұмыс жоспары туралы.
15 қыркүйекте университеттің барлық институттарының оқытушылары мен докторанттары үшін тренинг өтті. Абай университетінің ғылыми жұмыстар жөніндегі проректоры, жоба жетекшісі Бөрібаев Ермек жобаның жоспарлары мен аралық нәтижелеріне тоқталды. Жобаға қатысушылар дуальды оқытуды ұйымдастырудағы инновациялық тәжірибелерімен бөлісті. Сапарғалиева Баян, PhD, докторант, KAZDUAL «Қазақстанда дуальдық жүйені енгізу» жобасының барысымен таныстырды.
Институт директоры Абаева Ғалия дуальды жоғары және кәсіптік білім берудің икемді моделін сипаттады. Ол тыңдаушыларды Қазақстан Республикасындағы дуальды білім берудің тұжырымдамалық және құқықтық негіздерімен таныстырды. «Бастауыш білім беру» кафедрасының доценті Ақпаева Асель тренингке қатысушыларды дуальды оқыту жүйесін енгізуге қатысты жұмыс берушілердің ұстанымдарын зерделеумен таныстырды.
Серікова Самал, PhD, докторантураның ғылыми қызметкері жобаның еуропалық серіктестерінің оқу бағдарламаларын әзірлеудегі инновациялық тәжірибесімен бөлісті. Оқу бағдарламаларын құрастыру әдістерін ашты.П.ғ.д., профессор-зерттеуші Айман Беріханова студенттерді белсенді оқу әрекетіне ынталандырудың педагогикалық тәсілдерін ашты.
16 қыркүйекте Қазақстандағы дуальды жүйені енгізу: озық тәжірибелер, инновациялар және мүдделі тұлғаларға арналған перспективалар: жұмыс берушілер, педагогика және психология институтының оқытушылары, магистранттары мен докторанттары үшін бизнес-бранч өтті. Бизнес-бранч барысында дуальды оқытудың еуропалық тәжірибесі, жоғары педагогикалық білім беру жүйесіне дуальді білім беру принциптерін енгізудің қиындықтары туралы көптеген сұрақтар қойылды. Іске асыру перспективалары, студенттермен және жұмыс берушілермен озық жұмыстың маңыздылығы туралы пікірлер айтылды. Осындай қызу пікірталас дуальды оқытудың университетте де, Қазақстанда да өзектілігін дәлелдеді.
