ҚАЗАҚСТАНДА
ДУАЛЬДЫ ЖҮЙЕНІ ЕНГІЗУ
ДУАЛЬДЫ ЖҮЙЕНІ ЕНГІЗУ
KazDual Обсерваториясы
ҚазҰПУ-де ұлттық басқару органдарымен ынтымақтастықта зерттеу және академиялық желіні құруға жәрдемдесетін дуальды жүйе тәжірибелері бойынша Обсерватория құрылды.
Жоба үздіксіз мониторинг жүйесі мен оқыту мақсаттарын енгізу және оларды кәсіпорындардың тез өзгеретін қажеттіліктеріне бейімдеу, түлектердің жұмысқа орналасу мүмкіндіктерін жақсарту және жоғары білім беруді интернационалдандыру арқылы оқу бағдарламаларын жаңғыртуды қолдайды.
Жоба жоғары оқу орындарына тәжірибеге бағытталған білім беру және кәсіпорындармен тығыз байланыс арқылы әлемдік білім беру кеңістігінде бәсекеге қабілетті болуға мүмкіндік береді.
KazDual обсерваториясының мақсаттары мен міндеттері:
- Дуальды білім беру мен кәсіптік оқытудың желілік және зерттеу орталығын құру.
- Техникалық, педагогикалық, кәсіптік білім беру және жоғары білім беру жүйелерінің сабақтастығын қамтамасыз ететін, оқытудың икемді құрылымын қалыптастыруға ықпал ететін және жұмыс берушілердің түлектердің біліктілігіне қанағаттануын арттыратын білім беру бағдарламаларын дамытудың жаңа тәсілдерін әзірлеу.
- Тәлімгерлер, жұмыс берушілер үшін тренингтер өткізу, сондай-ақ жұмыс орнында студенттерге мониторинг жүргізу.
Жаңартылған білім беру бағдарламалары өңірдің өнеркәсіп салаларына және олардың қажеттіліктеріне бағдарланатын болады. Жобаның нәтижелері кадрлық қажеттіліктерді орта және ұзақ мерзімді болжаудың ұлттық жүйесінің дамуына оң әсер етеді.